唔怕水秘笈

朋友要學識游泳,首先要唔驚水/怕水/畏水。小朋友學游泳要面對的第一個難題,便是怕水。若小朋友不怕水,學游水便較容易;若小朋友在水中能活動自如,學識游水就易如反掌。

絕大部份小朋友怕水,只是少接觸。只要多到游泳池玩水,便唔會怕。之前已經有一篇文章,分析小朋友常見的<怕水的原因及解決>,可以參考。

只要日日去游水,小朋友好快不會怕水。但係父母又要返工,要帶小朋友日日去游水,講就容易。而且,這顯然不是最有效的方法。

唔怕水秘笈第一招——沖涼、洗面

在香港,小朋友每日都會有一次接觸水嘅機會,便是沖涼。每次沖涼及洗頭時,只要用小小水沖小朋友嘅面,讓他習慣。然後,每次用多小小水沖面、沖口。小朋友不怕時,再用小小水由額頭流向面、鼻,讓他感受一下。只要每次加小小,假以時日,循序漸進,小朋友對水便不會害怕。最後,便好似圖中的小孩,用花灑來沖面也不怕。

日常生活,是可以改善怕水習慣。

唔怕水秘笈第二招——唔好濁親

學識第一招唔怕水秘笈係唔夠,唔怕水秘笈仲有第二招。大部份小朋友唔肯將個頭放落水,唔係怕水,而係怕個鼻入水(濁親)。要克服這困難,只要令到小朋友唔會濁親,小朋友自然唔會怕水,最常用的方法便教小朋友在水中用鼻噴氣。小朋友可能做唔到,原因係唔明白。轉個講法,叫小朋友在水中呻鼻涕(擤鼻涕),咁就容易明白。當然,第二招由有經驗嘅教練去教,咁就好容易解決。

唔怕水是一個過程,由怕水、怕濁親,到濁親後攇住個鼻,然後繼續玩,以至唔再怕個鼻入水,不是一、兩次學習便成功。只要小朋友唔再怕個鼻入水,在水中的活動能力便較強,便很容易學識游水,更快有進步。

幫孩子沖涼,可以是親子活動,並改善孩子怕水情況。

只要透過多接觸,絕大部的小朋友驚水、怕水及畏水的情況便會改善。其實,最有效改善小朋友驚水、怕水及畏水,而且大部份父母都能做到,就是每天讓小朋友沖涼、洗頭時多接觸水。小朋友洗頭時,可以戴上泳鏡,父母用花灑沖他們的頭頂,讓一些水由頭流向面。當他們知道泳鏡可以保護眼睛,便會減少害怕水。若這做法成功,可用花灑將小小水沖向額頭。當小朋友不害怕時,再用多一些水沖向額頭。

任何方法,必須要循序漸進,讓小朋友漸漸習慣和適應。只要小朋友習慣了玩水,便不會怕水。

即刻行動

想小朋友學識游水,即刻聯絡卓越游泳會。


Contact PersonWhatsApp 查詢